၁။ဘယ်သူတွေရေးထားတာလဲ❓ ဘယ်နှစ်ခုနှစ်က စတင်ခဲ့တာပါလဲ။❓

1. နိုင်ငံတကာရှိ အရေးပေါ်အချက်ပေးစနစ် အက်ပလီကေးရှင်းများကို လေ့လာ၍ မြန်မာနိုင်ငံသား များအတွက် အသုံးတည့် အကျိုးရှိစေမည့်ပုံစံထုတ်၍ မြန်မာလူငယ် Programer များဖြင့် ကျွန်တော်တို့ ကောင်းမြတ်သူကုမ္ပဏီမှ ရေးသားထားခြင်းဖြစ်ပါသည်။
2. ၂၀၂၄ ခုနှစ် ဇွန်လမှ စတင်စမ်းသပ်အသုံးပြုခဲ့တာဖြစ်ပြီး ဩဂုတ်လတွင် လူမှုရေးအသင်းအဖွဲ့ များသို့ အသုံးပြုနိုင်ရန် သွားရောက်လှူဒါန်းခြင်းများ လုပ်ဆောင်ခဲ့ပါသည်။

၂။ဘယ်လိုအက်ပလီကေးရှင်းမျိုးလဲ❓

1. အင်တာနက်ရသည့် မည်သည့်နေရာမှမဆို ဖုန်းတစ်လုံးရှိယုံဖြင့် လွယ်ကူလျှင်မြန်စွာ Alert နှင့် Message ပေးပို့/လက်ခံနိုင်သည့် အက်ပလီကေးရှင်းဖြစ်ပါသည်။ 
2. EAS သည် အစိုးရ/လူမှုရေး အဖွဲ့အစည်းများနှင့် ချိတ်ဆက်ပေးထားသည့် အက်ပလီကေးရှင်း မဟုတ်ပဲ ကိုယ်တိုင်စိတ်တိုင်းကျ မိမိချိတ်ဆက်လိုသူများနှင့် အပြန်အလှန်ချိတ်ဆက်အချက်ပေး နိုင်သည့်စနစ် ဖြစ်ပါသည် ။
3. အဖွဲ့အစည်းအလိုက် မိမိအစီအစဉ်ဖြင့် ချိတ်ဆက်အသုံးပြုမည်ဆိုပါကလည်း အသုံးပြုနိုင်သည့် စနစ်ဖြစ်ပါသည်။ ချိတ်ဆက်အသုံးပြုမှု အရေအတွက် ကန့်သတ်ထားခြင်း မရှိပါ။
4. မိမိကိုယ်တိုင်ချိတ်ဆက်ထားသူများထံသို့သာ Alert / Message ရောက်ရှိစေမည်ဖြစ်ပြီး မည်သည့် အဖွဲ့အစည်း အသင်းအဖွဲ့များထံသို့မှ မရောက်ရှိပါ။ ထို့ကြောင့် ကူညီကယ်ဆယ်ရေး အတွက်လိုအပ်ပါက အချက်ပေးစနစ်လက်ခံရရှိသူမှ နီးစပ်ရာအဖွဲ့အစည်းများသို့ ဆက်လက် အကြောင်းကြားခြင်း လုပ်ဆောင်ရန်လိုအပ်မည်ဖြစ်ပါသည်။
5. Alert / Message ပေးပို့ခြင်း၊ လက်ခံခြင်းကို မိမိကိုယ်တိုင် စိတ်တိုင်းကျ Control လုပ်နိုင်သည် စနစ်များပါရှိပါသည်။

၃။ဘာရည်ရွယ်ချက်နှင့်ရေးထားတာလဲ❓

အန္တရာယ် တစ်စုံတစ်ရာ ကြုံတွေ့ရချိန်တွင် မိမိနှင့်မကွာအမြဲပါသည့် ဖုန်းကိုအသုံးပြု၍ မိမိနှင့် ချိတ်ဆက်ထားသူများထံ လွယ်ကူလျှင်မြန်စွာ အချက်ပေးအကြောင်းကြားနိုင်ခြင်းဖြင့် အချိန်နှင့် တပြေးညီ ကူညီကယ်ဆယ်မှုများ ရရှိနိုင်စေရန် နှင့် ထိခိုက်ပျက်စီးဆုံးရှုံးမှု လျော့ချနိုင်စေရန် ရည်ရွယ်၍ လူမှုဘ၀လုံခြုံရေးအတွက် ရေးသားထားခြင်းဖြစ်ပါသည်။

၄။ဘာတွေလုပ်လို့ရလဲ / ဘယ်လို Feature တွေပါလဲ❓

အပြန်အလှန် ချိတ်ဆက်ထားသည့် ဖုန်းအချင်းချင်း အရေးပေါ်အချက်ပေးစနစ် Alert ပေးပို့ခြင်း နှင့် Message စာတိုပေးပို့ခြင်း စနစ်နှစ်ခု လုပ်ဆောင်နိုင်မည်ဖြစ်ပါသည်။

၅။ သီးခြား Device ဖြင့်အသုံးပြု၍ ရနိုင်ပါသလား။❓

ဘဏ် ၊ ရွှေဆိုင်ကဲ့သို့သော နေရာများတွင် ခလုပ်နှိပ်ခြင်းဖြင့် အချက်ပေးသည့်စနစ် တပ်ဆင်လိုပါက အထူးပြုထားသည့် ခလုပ် နှင့်အတူ ကြားခံထပ်ဆင့်လွှင့်စနစ် ၊ CCTV တို့ကိုချိတ်ဆက်၍ အင်တာနက်နှင့် Power ပေးပြီး တပ်ဆင်အသုံးပြုနိုင်မည်ဖြစ်ပါသည်။

၆။ ဖုန်းဖြင့်အသုံးပြုနိုင်ဖို့ မည်သို့လုပ်ဆောင်ရမည်နည်း။❓

ဖုန်းအတွင်းသို့ Application ကို Download ရယူပြီး Register ပြုလုပ်၍ မိမိကဲ့သို့ Register ပြုလုပ်ထားသူအချင်းချင်း အပြန်အလှန်ချိတ်ဆက်၍ အသုံးပြုနိုင်မည် ဖြစ်ပါသည်။

၇။ အချင်းချင်းဘယ်လိုချိတ်ဆက်ရမလဲ။❓

Home Screen ရှိ Add Contact ကို နှိပ်၍ မိမိချိတ်ဆက်လိုသူ Register လုပ်ထားသည့် ဖုန်းနံပါတ်ကိုထည့်ပြီး ရှာ၍ အမည်မှန်လျှင် Add ကို နှိပ်ခြင်းဖြင့် လွယ်ကူစွာ ချိတ်ဆက်နိုင်မည် ဖြစ်ပါသည်။

( မိမိနှင့်ချိတ်ဆက်လိုသူမှလည်း အထက်ဖေါ်ပြပါအတိုင်း မိမိ၏ဖုန်းနံပါတ်ထည့်၍ ချိတ်ဆက် ရပါမည်။) ထိုသို့အပြန်အလှန် ချိတ်ဆက်ပြီးမှသာ အချက်ပေးခြင်း လုပ်ဆောင်နိုင်မည်ဖြစ်ပါသည်။ အရေအတွက် အကန့်အသတ်မရှိ ချိတ်ဆက်ထားနိုင်ပါသည်။

၈။အရေးပေါ်အချက်ပေးစနစ်လုပ်ဆောင်ပုံကဘယ်လိုလဲ❓

1. ဖုန်း၏ Screen ပေါ်ရှိ EAS Icon ကိုလက်နှိပ်၍ ဖုန်းကိုလှုပ်ယုံဖြင့် အချက်ပေးစနစ်စတင် အလုပ်လုပ်ဆောင်မည်ဖြစ်ပါသည်။ ထိုအချိန်တွင် လှုပ်သည့်ဖုန်း၏ Video သည်အလိုလျှေက် ပွင့်၍ လက်ခံမည့်ဘက်သို့ တိုက်ရိုက်ပေးပို့မည်ဖြစ်ပါသည်။
2. မိမိနှင့်ချိတ်ဆက်ထားသူများ၏ ဖုန်းများတွင် အချက်ပေးသံမြည်ခြင်းနှင့်အတူ ပေးပို့သူ၏ အမည်၊ ဖုန်းနံပါတ် ၊ ပေးပို့ချိန် တို့အပြင် တည်နေရာ နှင့် video တိုက်ရိုက်လွှင့်မှုကို ကြည့်ရှု နိုင်မည့် Button များပါရှိစေမည်ဖြစ်ပါသည်။ (ဖုန်းနံပါတ်ပေါ်နှိပ်လျှင် တိုက်ရိုက်ဖုန်း ခေါ် ဆိုနိုင်မည်ဖြစ်ပြီး Map Icon ကိုနှိပ်လျှင် ပေးပို့လိုက်သည့် တည်နေရာကို သိရှိနိုင်မည် ဖြစ်၍ မသွားတတ်ပါက Show Direction ကိုနှိပ်ခြင်းဖြင့် လမ်းကြောင်းသိနိုင်မည်ဖြစ်ပါသည်။)

၉။ စာတိုပေးပို့သည့် စနစ်လုပ်ဆောင်ပုံကဘယ်လိုပါလဲ။❓

1. Message ပေးပို့နိုင်ရန် Group အရင်ဖွဲ့ဖို့လိုအပ်မည်ဖြစ်ပါသည်။ စဖွဲ့သူသည် Group အမည် နှင့် လိုဂို သတ်မှတ်ခြင်း ၊ အဖွဲ့ဝင်များရွေးချယ်ထည့်သွင်းခြင်းလုပ်ဆောင်ရပါမည်။ ထိုသူသည် Group ၏ Admin ဖြစ်မည်ဖြစ်၍ Group ကိုပယ်ဖျက်ခြင်း ၊ မလိုအပ်သည့်လူထုတ်ခြင်း စသည့် စီမံခန့်ခွဲခွင့်များ လုပ်ဆောင်နိုင်မည်ဖြစ်ပါသည်။
2. Group အတွင်းစာများ အပြန်အလှန်ပေးပို့နိုင်မည်ဖြစ်၍ ပေးပို့လိုက်သည့်စာတိုင်း၏ အောက်တွင် View Location စာသားပါရှိမည်ဖြစ်ပါသည်။ ထိုစာသားအားနှိပ်ကြည့်လျှင် စာပေးပို့လိုက်သည့် တည်နေရာကို သိရှိနိုင်မည်ဖြစ်၍ ထိုနေရာသို့ မသွားတတ်ပါက Show Direction ကိုနှိပ်ခြင်းဖြင့် လမ်းကြောင်းသိနိုင်မည်ဖြစ်ပါသည်။

၁၀။ဘယ်သူတွေအသုံးပြုသင့်လဲ❓

1. ဘဏ် နှင့် ရွှေဆိုင်များ - အန္တရာယ်ကျရောက်ချိန်တွင် ချိတ်ဆက်ထားသည့် ကူညီ/ကယ်ဆယ်/ ကာကွယ် ပေးမည့်သူများ အချိန်မှီရောက်ရှိခြင်းဖြင့် ဆုံးရှုံးမှုလျော့ချနိုင်စေမည်ဖြစ်ပါသည်။
2. လုံခြုံရေးကုမ္ပဏီများအနေဖြင့် - Emergency Respont Team ထားရှိ၍ ဝန်ဆောင်မှုရယူလို သူများအား EAS ဖြင့်ချိတ်ဆက်ပြီး အန္တရာယ်ကြုံတွေ့ရချိန်တွင် လုံခြုံရေးအဖွဲ့ အမြန်စေလွှတ် ပေးမည့် လုံခြုံရေးဝန်ဆောင်မှုပုံစံအသစ် လုပ်ဆောင်နိုင်မည်ဖြစ်ပါသည်။
3. လုပ်ငန်းရှင်တွေအနေနဲ့ဆိုရင် - ဝန်ထမ်းများ၏ Work place Security တွက် ၎င်းတို့၏ ဖုန်းများတွင် တပ်ဆင်ပေး၍ Group လိုက်/ တာဝန်ရှိသူများနှင့် ချိတ်ဆက်ပေးထားခြင်းဖြင့် လုပ်ငန်းတိုးတက်မှုကို အထောက်အကူဖြစ်စေမည် ဖြစ်ပါသည်။ 
4. လူမှုကူညီရေးအသင်းအဖွဲ့များ - ကူညီကယ်ဆယ်ရေး လုပ်ဆောင်နေကြသည့် အဖွဲ့ဝင်များ အချင်းချင်း တည်နေရာနှင့်တကွ အချက်ပေးအကြောင်းကြားနိုင်ခြင်းကြောင့် ကူညီ ကယ်ဆယ် ရေး လုပ်ငန်းများကို အန္တရာယ်ကင်း၍ ပိုမိုထိရောက်စွာလုပ်ဆောင်နိုင်စေမည် ဖြစ်ပါသည်။
5. မိသားစုတွေအနေနဲ့ဆိုရင် - အိမ်တွင် ကျန်ရှိနေမည့် သက်ကြီးရွယ်အိုများ ၊  ကျောင်းအသွားကျောင်းအပြန် ရှိသည့် ကလေးငယ်များ ၊ အလုပ်သွား/ပြန် မိသားစုဝင်များ အချင်းချင်းချိတ်ဆက်ထားခြင်းဖြင့် တစ်ဦးဦး အန္တရာယ်ကြုံလျှင် ကျန်မိသားစုအားလုံးထံ တစ်ချိန်တည်း တစ်ပြိုင်တည်း အချက်ပေးနိုင်ခြင်းကြောင့် ကူညီကယ်ဆယ်မှုကို အချိန်မှီ ပေးအပ်နိုင်မည် ဖြစ်ပါသည်။
6. ပြည်ပတွင် အလုပ်လုပ်သူများ ၊ ပညာသင်ကြသူများဆိုရင် - ရေခြားမြေခြားတွင် သွားရောက် နေထိုင်လုပ်ကိုင်/ပညာသင်ယူကြသူများအနေဖြင့် အန္တရာယ် တစ်စုံတစ်ရာ ကြုံတွေ့ရချိန်တွင် မိမိအနီးဝန်းကျင်ရှိ မိတ်ဆွေလုပ်ဖေါ်ကိုင်ဖက်များနှင့်ချိတ်ဆက်ထားခြင်းဖြင့် အပြန်အလှန် ကူညီမှုအမြန်ရရှိစေ၍  ၊ ဇာတိမြို့ရွာတွင်ကျန်ရှိသည့် မိသားစုနှင့်ချိတ်ဆက် ထားခြင်းဖြင့် မိသားစုဝင်တစ်ဦးကြုံတွေ့ နေရသည့် အခြေအနေကို အခြားမိသားစုဝင်များမှ ချက်ချင်းသိနိုင် မည်ဖြစ်ပါသည်။

၁၁။ဘာအကျိုးကျေးဇူးတွေရှိမလဲ❓

အန္တရာယ်ကြုံတွေ့ရချိန်တွင် မိမိအားကူညီကယ်ဆယ်မည့်သူထံ လွယ်ကူလျှင်မြန်စွာ တည်နေရာနှင့် ဖြစ်စဉ်အား အချက်ပေးနိုင်မည်ကို သိရှိထားခြင်းဖြင့် စိတ်လုံခြုံမှုရရှိခြင်းနှင့်အတူ  အချိန်မှီကူညီ ကယ်ဆယ်မှုရရှိနိုင်ခြင်းကြောင့် ဆုံးရှုံးနင့်နာမှုများကို လျော့ချနိုင်မည်ဖြစ်ပါသည်။

၁၂။ဘယ်သူတွေအသုံးပြုနေပြီလဲ❓

EAS သည် လူမှုဘ၀လုံခြုံရေးကို အထောက်အကူပြုစေကြောင်း သိရှိကြသည့် လူမှုရေးအသင်းအဖွဲ့ များ နှင့် လူပုဂ္ဂိုလ်မိသားစုဝင်များ အသုံးပြုလျှက်ရှိပြီး အသုံးပြုသူ ၁၅၀၀ ကျော်ရှိပြီဖြစ်ပါသည်။

၁၃။ဘယ်နေရာတွေကိုအသုံးပြုနိုင်ဖို့လှူဒါန်းထားဖူးလဲ❓

မြန်မာနိုင်ငံကြက်ခြေနီအသင်း ၊ မြန်မာနိုင်ငံမိခင်နှင့်ကလေးစောင့်ရှောက်ရေးအသင်း ၊ ဆန်ရေ လူမှုကူညီရေးအသင်း ၊ မြန်မာနိုင်ငံလူမှုကူညီရေးအသင်း များသို့လှူဒါန်းထားပါသည်။

၁၄။ဘယ်လို‌နေရာတွေ မှာသုံးလို့ရလဲ❓Region ကန့်သတ်ချက်ရှိလား❓

1. ကမ္ဘာအနှံ အင်တာနက်ရှိသည့် မည်သည့်နေရာတွင်မဆို Alert နှင့် Message ပေးပို့ခြင်း/လက်ခံ ခြင်း အသုံးပြုနိုင်ပါသည်။ 
2. အချက်ပေးစနစ် ပေးပို့မည့်သူသည် အင်တာနက်ရှိနေစေရန် လိုအပ်မည်ဖြစ်သော်လည်း လက်ခံမည့်သူ၏ဖုန်းသည် အင်တာနက် မမိပါက မိသည့်အချိန်တွင် Alert အသံနှင့်အတူ အချက်အလက်များ လက်ခံရရှိစေမည် ဖြစ်ပါသည်။

၁၅။ဘာကန့်သတ်ချက်/ထူးခြားချက်တွေရှိသေးလဲ❓

1. အသုံးပြုသူ တစ်ဦးစီတိုင်း၏ Personal Privacy ကိုမထိခိုက်စေရန် ပြန်အလှန်ချိတ်ခြင်းပြီးမှသာ Alert ပေးပို့ခြင်း ၊ လက်ခံခြင်း လုပ်ဆောင်နိုင်မည်ဖြစ်ပါသည်။ ထိုသို့ ပေးပို့ခြင်း နှင့် လက်ခံခြင်း ကို တစ်ဦးချင်းစီအတွက် ပိတ်ထားနိုင်ခြင်း နှင့် ချိတ်ဆက်မှုပယ်ဖျက်ခြင်းအား ကိုယ်တိုင် စိတ်တိုင်းကျ လုပ်ပိုင်ခွင့်ရရှိစေပါသည်။
2. အသုံးပြုသူ Register ပြုလုပ်ထားသည့် အချက်အလက်မှ လွဲ၍ မည်သည့်အချက်အလက်ကိုမှ Server တွင်သိမ်းဆီးထားခြင်း မရှိပါကြောင်း နှင့် အသုံးပြုသူတိုင်းသည် ထိုအချက်အား သိရှိလက်ခံ ပြီးမှသာ အသုံးပြုရန် T&C တွင် အဆိုပြုထားပါသည်။
3. ဖုန်း၏ Location ကိုပိတ်ထားလျှင် Alert နှင့် Message ပေးပို့ရာတွင် Location တစ်ဖက်သို့ မပါရှိစေရန် ကန့်သတ်ထားနိုင်ပါသည်။

၁၆။ App သည် Free Version လား License Version လား❓

License Version ဖြစ်သော်လည်း ယခုအချိန် ငလျင်ဒဏ်ခံရသည့် ပြည်သူများနှင့် လူမှုရေးအဖွဲ့များ အခမဲ့ (၃) လအသုံးပြုနိုင်ရန် စီစဉ်ပေးထားပါသည်။ ထိုသို့ နိုင်ငံသားများ အန္တရာယ်ကြုံတွေ့နေရချိန် တွင် ကုန်ကျစရိတ်မရှိ အခမဲ့ အသုံးပြုနိုင်ရန် မိမိတို့ Kaung Myat Thu Company ၏ တတ်စွမ်းသည့်ဘက်မှ ကူညီပေးခြင်းအား AGB COMMUNICATION မှ နည်းပညာပိုင်း ဝိုင်းဝန်း ပံ့ပိုး ပေးထားပါသည်။

၁၇။ License သက်တမ်းဘယ်လောက်အထိရှိလဲ၊ဘယ်လိုသက်တမ်းတိုးလို့ရနိုင်ပါလဲ❓

License သက်တမ်းတိုးခြင်းကို တစ်လ ၊ ခြောက်လ ၊ တစ်နှစ် စိတ်ကြိုက်ရွေးချယ်၍ KBZPay ဖြင့် ကျသင့်ငွေပေးချေအသုံးပြုနိုင်မည် ဖြစ်ပြီး License Fee များကိုလည်း တစ်လ ၄၅၀၀ ကျပ်နှုန်း သတ်မှတ်ထား၍ ခြောက်လဝယ်လျှင် တစ်လစာအခမဲ့၊ တစ်နှစ်ဝယ်လျှင် နှစ်လအခမဲ့ ခံစားခွင့် ပေးထားပါသည်။ 

၁၈။ဒီ app ကိုသုံးရင်စောင့်ကြည့်နေတဲ့သူမိမိ phone ကိုခြေရာခံနိုင်တဲ့စနစ်တွေအဖွဲ့အစည်း တွေရှိပါသလား၊အာမခံချက်ရှိပါသလား။❓

1. အသုံးပြုသူများကို မည်သူမျှ စောင့်ကြည့်ခြင်းလုပ်ဆောင်၍မရပါ။ (အချင်းချင်း/ အခြားသူ တစ်ဦးမှ)
2. EAS တွင် GPS ကဲ့သို့ ခြေရာခံပေးသည့်စနစ်မပါရှိပါ။ အရေးပေါ်အချက်ပေးသည့် အချိန် တွင်သာ ထိုသူ၏တည်နေရာကို ချိတ်ဆက်များသူများထံသို့ တစ်ကြိမ်သာ ပေးပို့မည့်စနစ် ဖြစ်ပါသည်။ ( Phone ၏ Location ပိတ်ထားလျှင် ပေးပို့သူတည်နေရာ မပါရှိနိုင်ပါ။ )
3. EAS ကိုထုတ်လုပ်ထားသည့် KMT Company သည် မည်သည့်အဖွဲ့အစည်းအောက်တွင်မှ မရှိသော Private Company ဖြစ်ခြင်းကြောင့် EAS သည် အဖွဲ့အစည်းတစ်ခု၏ ထိမ်းချုပ်မှု အောက်တွင် လုံး၀ မရှိပါ။ ယုံကြည်စွာအသုံးပြုနိုင်ပါသည်။
4. အသုံးပြုသူများ၏ Private Privacy ကို ဦးစားပေးရေးသားထားသည့် Application ဖြစ်ခြင်း ကြောင့် Register ပြုလုပ်စဉ် ဖြည့်စွက်ထားသည့် အချက်အလက်များကိုသာ Login ဝင်ချိန်တွင် အသုံးပြုနိုင်ရန် Server တွင်သိမ်းဆည်းထားပါသည်။ 
5. အချက်ပေးချိန်တွင် တစ်ဖက်သို့ပေးပို့သည့် တည်နေရာ အပါအဝင် အချက်အလက်များကို System Delay မဖြစ်စေရန် Server တွင်သိမ်းဆည်းထားခြင်း မရှိပါကြောင်း နှင့် မည်သူတစ်ဦးတစ်ယောက်မှ အချက်ပေးစနစ်၏အချက်အလက်များကို ပြန်လည်တောင်းခံ နိုင်မည် မဟုတ်ပါကြောင်း သိရှိလက်ခံပြီးမှသာ EAS ကိုအသုံးပြုကြပါရန် T&C တွင် အာမခံအတည်ပြု ဖေါ်ပြထားပါသည်။ 

၁၉။တကယ်ဘဲ phone ကို shake လုပ်တာနဲ့ဒီ app ကအလုပ်လုပ်မှာလား။❓

အရေးပေါ်အခြေအနေတွင် အချိန်မရနိုင်ခြင်းကြောင့် ဖုန်း Screen ပေါ်ရှိ EAS icon ကိုနှိပ်၍ ဖုန်းလှုပ်ယုံဖြင့် တည်နေရာပါရှိသည့် အချက်ပေးခြင်း လုပ်ဆောင်စေရန် အဓိကဦးစားပေး ရေးဆွဲထားသည့် Application ဖြစ်ပါသည်။

၂၀။ Emergency Alert System ဆိုတော့အရေးပေါ်အခြေအနေမှာဘယ်လောက်ထိမြန်မြန်ဆန်ဆန်အချက်ပေးနိုင်လဲ❓

ဖုန်း Screen ပေါ်ရှိ EAS icon ကိုနှိပ်၍ ဖုန်းလှုပ်ယုံဖြင့် စက္ကန့်ပိုင်းအတွင်း တည်နေရာပါရှိသည့် အချက်ပေးမှုကို ချိတ်ဆက်ထားသူများထံ ရောက်ရှိစေမည်ဖြစ်ပါသည်။

၂၁။အရေးပေါ်အခြေအနေမှာအများကြီးကိုတပြိုင်နက်ထဲ alert ပေးလို့ရလား၊ alert ပေးတာသက်သက်ပဲရတာလား၊လက်ခံလို့ရောရလား❓

1. EAS အသုံးပြုသူတစ်ဦးသည် အရေအတွက်အကန့်အသတ်မရှိချိတ်နိုင်၍  မိမိချိတ်ဆက်ထား သည့် EAS  အသုံးပြုသူများထံ တစ်ချိန်တည်းတပြိုင်တည်း အချက်ပေးခြင်း (သို့မဟုတ်)  ၎င်းတို့ပေးပို့မှုကို လက်ခံခြင်း လုပ်ဆောင်နိုင်မည်ဖြစ်ပါသည်။ 
2. EAS တွင် မိမိနှင့်ချိတ်ဆက်ထားသူများထံ တည်နေရာပါရှိမည့် အရေးပေါ်အချက်ပေးခြင်း စနစ်အပြင် တည်နေရာပါရှိမည့် Message ပေးပို့ခြင်းကို Group ဖွဲ့၍ လုပ်ဆောင်နိုင်မည် ဖြစ်ပါသည်။

၂၂။ Phone application ဖြစ်တဲ့အတွက် Android, iOS ဘယ်ပေါ်မှာမဆိုသုံးလို့ရလား❓ အသုံးပြုရတာရောရိုးရှင်းလွယ်ကူလား❓ဝယ်သုံးမယ်ဆိုရင်ရောလွယ်လွယ်ဝယ်လို့ရလား❓

1. Android , iOS နှစ်မျိုးလုံးတွင် ထည့်သွင်း၍ အပြန်အလှန်ချိတ်ဆက် အသုံးပြုနိုင်မည်ဖြစ် ပါသည်။
2. အန္တရာယ်ကြုံရချိန်တွင် ဖုန်း Screen ပေါ်ရှိ EAS icon ကိုနှိပ်၍ ဖုန်းလှုပ်ယုံဖြင့် တည်နေရာ ပါရှိသည့် အချက်ပေးစနစ် ပေးပို့မည်ဖြစ်ခြင်းကြောင့် အသုံးပြုရ ရိုးရှင်းလွယ်ကူပါသည်။
3. Play Store နှင့် Apple Store တို့မှ Download ရယူ၍ Register ပြုလုပ်ပြီး လွယ်ကူစွာချိတ်ဆက် အသုံးပြုနိုင်သည့်အပြင် Online Payment စနစ်ဖြင့် License သက်တမ်း တိုးခြင်းကို လွယ်ကူစွာဝယ်ယူနိုင်ပါသည်။

၂၃။ကူညီကယ်ဆယ်ရေးအဖွဲ့တွေနဲ့ရောချိတ်ဆက်အသုံးပြုလို့ရလား❓

1. ကူညီကယ်ဆယ်ရေးအဖွဲ့များမှ လက်ခံလျှင် ချိတ်ဆက်အသုံးပြု၍ ရပါသည်။ 
2. EAS အသုံးပြုသူအချင်းချင်း တစ်ဖက်လူမှလက်ခံလျှင် အပြန်အလှန်ချိတ်ဆက်၍ အရေးပေါ် အချက်ပေးခြင်းနှင့် Message ပေးပို့ခြင်းတို့ကို လုပ်ဆောင်နိုင်မည် ဖြစ်ပါသည်။

၂၄။ မြန်မာနိုင်ငံတွင်းပဲသုံးလို့ရတာလား၊ဘယ်နေရာကမဆို alert ပေးလို့ရလား၊လက်ခံလို့ရလား❓

1. အင်တာနက်ရှိသည့် ကမ္ဘာ့မည်သည့်နေရာမှမဆို Alert နှင့် Message ပေးပို့ခြင်း လက်ခံခြင်း လုပ်ဆောင်နိုင်မည်ဖြစ်ပါသည်။
2. Alert နှင့် Message ပေးပို့မည့်သူသည့် အင်တာနက်ချိတ်ဆက်နေရန် မဖြစ်မနေလိုအပ်၍  လက်ခံမည့်သူသည် အင်တာနက်မမိပါက မိသည့်အချိန်တွင် ပေးပို့ထားသည့် Alert နှင့် Message ကိုလက်ခံရရှိစေမည်ဖြစ်ပါသည်။

၂၅။အသုံးပြုသူရဲ့အချက်အလက် Data လုံခြုံမှုရောရှိလား❓

1. EAS သည် အသုံးပြုသူများ၏ Private Privacy ကို ဦးစားပေးရေးသားထားသည့် Application ဖြစ်ခြင်းကြောင့် Register ပြုလုပ်စဉ် ဖြည့်စွက်ထားသည့် အချက်အလက်များကိုသာ Login ဝင်ချိန်တွင် အသုံးပြုနိုင်ရန် Server တွင်သိမ်းဆည်းထားမည်ဖြစ်ပါသည်။ ထို Data များကို မသက်ဆိုင်သူထံ လုံး၀(လုံး၀) မရောက်ရှိစေရန် နည်းပညာမြင့် လုံခြုံရေးစနစ်များ အသုံးပြု ထားပါသည်။
2. Alert ပေးပို့ချိန်တွင် တစ်ဖက်သို့ပေးပို့သည့် တည်နေရာ အပါအဝင် အချက်အလက်များ ကို Server တွင်သိမ်းဆည်းထားမည်မဟုတ်ခြင်းကြောင့်  မည်သူတစ်ဦးတစ်ယောက်မှ အချက်ပေး စနစ်၏ အချက်အလက်များကို ပြန်လည်တောင်းခံနိုင်မည် မဟုတ်ပါကြောင်း သိရှိလက်ခံပြီးမှ သာ EAS ကိုအသုံးပြုကြပါရန် T&C တွင် အာမခံအတည်ပြု ဖေါ်ပြထားပါသည်။ 

၂၆။ Alert ပေးတာအပြင်တခြားဘာတွေသုံးလို့ရလဲ❓

အပြန်အလှန် ချိတ်ဆက်ထားသည့် ဖုန်းအချင်းချင်း Alert  ပေးပို့ခြင်းအပြင် Group ဖွဲ့၍ Message ပေးပို့ခြင်းကို လုပ်ဆောင်နိုင်ပါသည်။ 

၂၇။ Message စနစ်သည် Viber , Messanger တို့နှင့်ဘာကွာခြားချက်ရှိပါသလဲ။❓

EAS Message နှင့် Viber ခြားနားချက် (၆)ချက်ရှိပါသည်။

1. အပြန်အလှန် ချိတ်မထားလျှင် အကောင့်သိယုံဖြင့် စာပို့၍ မရပါ။
2. ပို့လိုက်သည့်စာကို ပြင်ခြင်း ၊ ဖျက်ခြင်း ၊ ကူးယူခြင်း လုပ်ဆောင်မရပါ။
3. စာတစ်မျိုးတည်းသာ ပို့၍ရပါသည်။
4. စာနှင့်အတူ ပေးပို့သူ၏တည်နေရာ ပါရှိစေမည်ဖြစ်ပါသည်။ ( Location ဖွင့်ထားလျှင် )
5. (၇) ရက်ကျော်သည့်စာများ အလိုလျှောက် ပျက်မည့် ဖြစ်ပါသည်။ ( Record လိုချင်လျှင် Screenshot ရယူထားနိုင်ပါသည်။ )
6. Message Group ထဲသို့ နောက်မှထည့်သွင်းခံရသူသည် ယခင်ပို့ထားသည့် စာများကို ဖတ်ခွင့်ရမည် ဖြစ်ပါသည်။

၂၈။ Personal use ပဲသုံးလို့ရတာလား၊အဖွဲ့အစည်းတွေ company တွေအနေနဲ့ရောသုံးလို့ရလား❓

မိသားစုအတွင်း အသုံးပြုနိုင်သည့်အပြင် အဖွဲ့အစည်းများအတွင်း နှင့် ရုံးလုပ်ငန်းခွင်အတွင်း Work Place Security အတွက် အသုံးပြုခြင်းဖြင့် လုပ်ငန်းတိုးတက်မှုကို အထောက်အကူပြုစေမည် ဖြစ်ပါသည်။

၂၉။ Account ဖွင့်ထားတဲ့ phone number ကပြောင်းသွားရင်ရောအသစ်ပြန်ဝယ်ရလား၊ Phone number ပြောင်းသွားရင်ရောသုံးလို့ရလား❓

1. ဖုန်းနံပါတ်အသစ်အပြီးပြောင်းလဲအသုံးပြုမည်ဆိုပါက အကောင့်အသစ်ဖွင့်ရန် လိုအပ်မည် ဖြစ်ပါသည်။ 
2. ပြည်ပ/နယ်ဝေး ယာယီခရီးသွားခြင်းကြောင့် ဖုန်းနံပါတ်ပြောင်းလဲမှုရှိလျှင် Contact Phone နေရာတွင် အသစ်နံပါတ်ပြောင်းလဲပေးခြင်းဖြင့် Alert ပေးချိန်တွင် တစ်ဖက်မှနှိပ်၍ ခေါ်ဆိုနိုင်မည်ဖြစ်ပါသည်။
3. ဖုန်းပြောင်းလဲအသုံးပြုလျှင် အကောင့်ဖွင့်စဉ်ဖုန်းနံပါတ် ၊ Password ဖြင့် Login ဝင်၍ အသုံးပြုနိုင်မည် ဖြစ်ပါသည်။

၃၀။လက်ရှိတကယ်အသုံးချနေတဲ့အသင်းအဖွဲ့တွေရောရှိလား❓

မြန်မာနိုင်ငံကြက်ခြေနီအသင်း ၊ မြန်မာနိုင်ငံမိခင်နှင့်ကလေးစောင့်ရှောက်ရေးအသင်း ၊ ဆန်ရေ လူမှုကူညီရေးအသင်း ၊ မြန်မာနိုင်ငံလူမှုကူညီရေးအသင်း နှင့် Personal အသုံးပြုလျှက်ရှိသူ ၁၅၀၀ ကျော်ရှိပြီဖြစ်ပါတယ်။